Son yeniləmə: 27 Sentyabr 2024 12:31
BAYRAQDAR MEDİA – Bolqarıstan Mərkəzi Seçki Komissiyası oktyabrın 27-də keçiriləcək növbədənkənar ümumi seçkilərdə partiya və koalisiyaların püşkatma yolu ilə səsvermə bülletenlərinin nömrələrini müəyyən edib.
Bu barədə Radio Bolqarıstan məlumat verib.
Bildirilib ki, “parlamentdə təmsil olunan siyasi qurumlardan biri olan GERB-SDS bu seçkilərdə bülletendə 18-ci, “Alians za prava i svobodi”-“ Hüquq və Azadlıqlar Alyansı ”13-cü, “Dvijenie za prava i svobodi- Novo naçalo” 8-ci, “PP- DB”26-cı, “Vazrajdane” 12-ci, “BSP- Obedinena levitsa” 28-ci, “İma təkav narod” 7-ci sırada olacaq”.
Məlumata görə, Mərkəzi Seçki Komissiyası oktyabrda keçiriləcək seçkilərdə 22 partiya və 9 koalisiyanı qeydə alıb: “Püşkatmadan əvvəl 3 siyasi qurumun deputatlığa namizəd siyahısını təqdim etmədiyi və bununla da ümumilikdə 28 partiya və koalisiyanın seçkilərdə iştirak etmək hüququ qazandığı açıqlanıb”.
