Son yeniləmə: 23 Sentyabr 2024 11:11
BAYRAQDAR MEDİA – Dövlət İmtahan Mərkəzi TKT (Teaching Knowledge Test) imtahanına qeydiyyat elan edir.
Bununla bağlı məlumatda qeyd edilir ki, imtahan 30 noyabr 2024-cü il tarixində DİM-in elektron imtahanlar korpusunda (Süleyman Sani Axundov küçəsi, 108) keçiriləcək: “İmtahana son qeydiyyat tarixi 15 oktyabr 2024-cü ildir. Kembric Universiteti Nəşriyyat və Qiymətləndirmə qurumunun rəsmi test mərkəzi olan Dövlət İmtahan Mərkəzi ingilis dili müəllimləri üçün bilik və bacarıqları beynəlxalq səviyyədə təsdiq edən TKT (Teaching Knowledge Test) kvalifikasiyasının aşağıdakı modulları üzrə imtahan təşkil edir: TKT Modul 1; TKT Modul 2; TKT Modul 3; TKT Modul YL (Young Learners – azyaşlı öyrənənlərə dilin tədrisi); TKT Modul CLIL (Content and Language Integrated Learning – dilin məzmunla inteqrativ tədrisi)”.
Məlumatda həmçinin qeyd edilir ki, DİM Kembric Universiteti Nəşriyyat və Qiymətləndirmə qurumunun rəsmi test mərkəzlərindən biri olaraq Kembric İngilis dili üzrə Qiymətləndirmə (Cambridge English Qualifications), Kembric İngilis dili üzrə Tədris (Cambridge English Teaching) imtahanlarını təklif edir: “Dövlət İmtahan Mərkəzi tələb əsasında Kembric İngilis dili üzrə Səviyyə Testi (Cambridge English Placement Test – CEPT) də təşkil edir. İmtahana qeydiyyat linki. Əlavə məlumat üçün international@dim.gov.az elektron poçtuna suallarınızı ünvanlaya bilərsiniz”.
