Son yeniləmə: 20 Sentyabr 2024 08:44
Türkiyədə 1500-dən çox termal bulaq və 260-dan çox termal sanatoriya mövcuddur
BAYRAQDAR MEDİA – “Sağlamlığınızın qeydinə qalmağın ən mükəmməl yollarından biri soyuq qış günlərindən öncə Türkiyənin termal kurortlarından birində istirahətdir. Heyrətamiz mənzərəsi ilə seçilən Türkiyə, sağlamlıq turizmində qeyri-adi termal bulaqları ilə də məşhurdur”.
Türkiye Turizm Tanıtım ve Geliştirme Ajansından (TGA) BAYRAQDAR MEDİA-ya veilən məlumatda belə deyilir.
Qeyd edilir ki, Türkiyədə 1500-dən çox termal bulaq və 260-dan çox termal sanatoriya mövcuddur: “Yüz minlərlə yerli və xarici ölkələrdən Türkiyəyə axın edən turist sağlamlıq məqsədi ilə hər il termal suların olduğu sanatoriyalara baş çəkir. İsti bulaqları, termal imkanları və mülayim iqlimi ilə Türkiyə xüsusilə təbiətsevərlər və sağlamlıq məqsədi ilə səyahət edənlər arasında populyardır. Yaşayış, müalicə və sağlamlıq xidmətlərini özündə birləşdirən ölkənin səyahət paketləri bu sağlamlıq təcrübəsini daha da zənginləşdirir. Füsnkar mənzərələri ilə tanınan Aralıq dənizi mətbəxi yüngül və sağlam yeməkləri ilə sağlam yaşam təcrübənizi tamamlayacaq”.
Pamukkalenın şəfalı su qaynaqları
Məlumata əsasən, bu sırada Türkiyənin istirahət məkanlarından biri olan Pamukkale xüsusilə fərqlənir: “Pamukkale, mineral suların yaratdığı kalsit travertini ilə həqiqətən bir təbiət möcüzəsidir. Antik dövrdən bəri Pamukkale və ona bitişik Hierapolis Antik Şəhəri, birlikdə UNESCO-nun ərazisi, bölgədəki termal sular sayəsində müalicə və sağlamlıq mərkəzi olmuşdur. Hierapolisdəki qədim Kleopatra Hovuzunda təxminən 35 dərəcə selsi sabit suyun istiliyi və bu ağ cənnətin mənzərəsində sizi nağıllar aləmində hiss etdirəcək! Bu tarix və təbiət möcüzəsi daha üç termal bölgəyə də ev sahibliyi edir: Sarayköy, Gölemezli və Karahayıt, bütün suları dəmir və kalsiumla zəngindir”.
Türkiyənin termal mərkəzi – Afyonkarahisar
Məlumatda vurğulanır ki, Türkiyənin ən məşhur termal qaynağı, Ege dənizinin daxilində yerləşən Afyonkarahisardır: “Avropa Tarixi Termal Şəhərlər Marşrutunun bir hissəsi olan şəhər Qazlıgöl, Heybeli, Ömər, Hüdai və Gəcəkdəki yüksək mineral tərkibli bulaqları ilə tanınır, dəri xəstəliklərinin, həmçinin mədə, böyrək və bağırsaq xəstəliklərinin müalicəsində təsirli olur”.
Məlumatda, həmçinin “Afyonda temperaturun 42 ilə 53 dərəcə arasında dəyişən sanatoriyalarında isti hovuzlardan yararlanmaqla yanaşı, müalicəvi palçıq vannası qəbul edə bilərsiniz. Bu terapevtik müalicələrdən sonra, qaya parçaları və qədim xarabalıqlara malik Frig sivilizasiyasının izlərini daşıyan şəhərdəki Frigiya vadilərini kəşf edə bilərsiniz” deyilir.
Termal istirahətin daha bir məkanı – Bursa
TGA-nın məlumatına görə, Bursa Osmanlı İmperatorluğu dövründən bəri termal bulaqları ilə məşhur bir məkan olub: “Hazırda istiliyi 88 dərəcəyə qədər çatan suları ilə Çelik Palas, Kükürtlü, Karamustafa, Kaynarca və Eski Kaplıca kimi termal bulaqlara ev sahibliyi edir. Lakin, şəhərin ən məşhur sağlamlıq və termal turizm məkanı, suları Uludağın ətəklərindəki Oylat suları kimi içməyə yararlı olan Oylat Termal Bulaqlarıdır. Bursansanın termal bulaqları hamamlarla məhdudlaşmır, şəhər həmçinin maqneziumla zəngin isti sulardan həzz alacağınız bir çox lüks spa otelləri və obyektləri özündə birləşdirir”.
Sağlamlığın təbiətlə birləşdiyi yer
Nəhayət, məlumata əsaəsn, Qara dəniz bölgəsinin batı hissəsində yerləşən, yamyaşıl meşələri və sakit gölləri ilə tanınan Bolu, eyni zamanda geotermal su mənbələrinə və isti bulaqlara ev sahibliyi edir: “Bu da onu sağlamlıq turizmi üçün məşhur bir məkana çevirir. Bölgənin Göynük, Karacasu və Mudurnu kimi termal bulaqları sağlamlığa faydalı minerallarla zəngin suları ilə məşhurdur. Termal təklifləri ilə yanaşı, Bolunun təbii ətrafı istirahət üçün mənzərəli bir fon təqdim edir. Şəhərin Abant gölünə və Yedigöllər Milli Parkına yaxınlığı ziyarətçilərin gəzinti, piknik və təbiət gəzintiləri kimi açıq hava fəaliyyətlərilə məşğul olması ümumi sağlamlıq təcrübəsini artırır”.
