Qırğızıstanda qəhrəman əsgərlər üçün abidə ucaldılıb

Yazar: Nadir Azəri - Əməkdar jurnalist. Tarix: 20 Sentyabr 2024 14:51

Abidə

Son yeniləmə: 20 Sentyabr 2024 12:43

BAYRAQDAR MEDİA – Qırğızıstan Tacikistanla sərhəddə döyüşdə həlak olan əsgərlərinin xatirəsinə abidə ucaldıb.

Bu barədə Kırım Haber Ajansı məlumat yayıb.

Bildirilib ki, “Qırğızıstan vətəni uğrunda döyüşmüş, bu yolda canlarından keçmiş əsgərlərinin xatirəsini yaşadır. Bu çərçivədə Qırğızıstan Daxili İşlər Nazirliyinə tabe olan daxili təhlükəsizlik qüvvələrinin hərbi hissəsində qəhrəmancasına şəhid olmuş hərbçilərin şərəfinə ölkənin Tacikistan sərhədində abidə ucaldılıb. Abidə 2022-ci il sentyabrın 16-da Qırğızıstan-Tacikistan sərhədində keçirilən əməliyyat zamanı şəhid olan kiçik zabit Açılbek Taşekov, kiçik zabit Durusbek Kanıbek-Uulu, kiçik zabit Manas Baatırbekov və kiçik zabit Aybek Abdilabekovun xatirəsinə ucaldılıb”.

Əlaqəli

Bölmə: TÜRK DÜNYASI

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »