Zorlu Töre yenidən parlament sədrliyinə namizəddir

Yazar: Nadir Azəri - Əməkdar jurnalist. Tarix: 17 Sentyabr 2024 16:08

Zorlu Töre

Son yeniləmə: 17 Sentyabr 2024 12:39

BAYRAQDAR MEDİA – KKTC parlamentinin sədri Zorlu Töre yenidən bu vəzifəyə namizəd olduğunu açıqlayıb.

Bu barədə kibrispostasi.com saytı məlumat yayıb.

Məlumata görə, KKTC-də parlament sədri 2,5 il müddətinə seçilir. Vaxt tamam olanda yenidən seçkilər keçirilir.

Məlumatda deyilir ki, artıq səlahiyyət müddəti başa çatan Z.Töre yeni qanunvericilik dövründə formalaşacaq rəhbrəlikdə təmsil olunmaq, parlament sədri olmaq istədiyini bəyan edib: “İştirak etdiyi televiziya proqramında çıxış edən Zorlu Töre yeni qanunvericilik dövründə yenidən namizəd olmağı düşündüyünü bildirib. Z.Töre, “Hökumətdən dəstək gözləyirəm. Yeni seçkilər olacaq; Vəzifəmi davam etdirmək istəyirəm, amma bu, partiyamızın qərarından asılıdır” deyib”.

Qeyd edək ki, Z.Töre hakim UBP-dən millət vəkili seçilib.

Əlaqəli

Bölmə: TÜRK DÜNYASI

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »