Növbəti dəfə ərazilər tullantılardan təmizlənib

BAYRAQDAR MEDİA – Ümumrespublika Təmizlik Marafonu çərçivəsində növbəti dəfə ərazilər tullantılardan təmizlənib.

Bu haqda Ekologiya və Təbii Sərvətlər Nazirliyinin (ETSN) yaydığı xəbərdə bildirilir.

Xəbərdə deyilir ki, ““Təmiz ölkəm” devizi altında növbəti təmizlik aksiyaları Xəzər dənizinin Sumqayıt, Siyəzən sahillərində, Lənkəran çayının Lerik, Araz çayının Saatlı, Axınca çayının Tovuz, Bərgüşad çayının Qubadlı rayonlarından, Gəncəçayın Gəncə şəhərindən keçən hissələrində, Ağcabədi rayonu Aşağı Avşar kəndi, Qəbələ rayonu Laza kəndi yaxınlığında, Zərdab şəhəri Babək İsmayılov küçəsində təmizlik aksiyaları keçirilib”.

ETSN-nin yerli qurumlarının, Sumqayıt Dövlət Texniki Kollecin, Tovuz Gənclər Evinin, yerli icra hakimiyyəti orqanlarının, bələdiyyə nümayəndələrinin, Ağdam kənd Natiq Yusifov adına tam orta məktəbin, Vahidli kənd Asif Sadıqov adına tam orta məktəbin şagirdlərinin və yerli sakinlərin iştirakı ilə ərazilər 3.7 tondan artıq tullantıdan təmizlənib.