DPS-nin hər iki qanadı seçkilərdə ittifaq tərkibində qeydiyyatdan keçə bilməyib
BAYRAQDAR MEDİA – Xəbər verdiyimiz kimi Bolqarıstanda oktyabrın 27-də yenidən növbədənkənar parlament seçkiləri keçiriləcək. Bu vaxta qədər seçkilərdə ilk üçlükdə qərar tutan DPS isə bu seçkiyə parçalanmış halda gedir.
Bu vəziyyətin türklərin yeni parlamentdə təmsilçiliyinə ciddə mənfi təsir göstərəcəyi ehtimalları isə öz təsdiqini tapır.
Belə ki, Mərkəzi Seçki Komissiyası oktyabrın 27-də keçiriləcək növbədənkənar seçkilərdə “Demokratiya, Hüquq və Azadlıqlar – DPS” və “DPS – Yeni Başlanğıc” koalisiyalarının daxil edilməməsi barədə qərar qəbul edib.
Radio Bolqarıstan xəbər verir ki, ötən həftə Mərkəzi Seçki Komissiyası hər iki koalisiyaya sentyabrın 7-si saat 17:00-a qədər DPS partiyasının onların strukturlarına daxil olmadığını sübut edən lazımi sənədləri təqdim etmələri üçün vaxt verib,. Lakin heç bir DPS qanadından heç bir sənəd təqdim olunmayıb.
