Son yeniləmə: 10 Sentyabr 2024 09:12
Salih Altunda Eskişehir ictimaiyyətinə təşəkkür və vida mesajı
BAYRAQDAR MEDİA – Bir müddət əvvəl Bursa valisinin müavini vəzifəsinə təyin edilmiş Eskişehir valisinin keçmiş müavini Salih Altun vəzifə dəyişikliyi ilə əlaqədar vida mesajı yayımlayıb.
Vətən müharibəsi Azərbaycan tarixinə qızıl hərflərlə yazılıb
BAYRAQDAR MEDİA-ya verilən məlumata görə mesajda “Bir şəhərə xidmət etmək, onun inkişafının şahidi olmaq, insanları ilə bağlılıq idarəçiliyin vəzifəsindən kənar, təsvir olunmaz hissdir. Burada xidmət etdiyimiz illər ümumi məqsədlər üçün çalışmağın, çətinlikləri birlikdə aradan qaldırmağın və qarşılıqlı anlaşmanın yaxşılaşdırılmasının konkret nümunəsi olub”deyə qeyd edilib.
S.Altun vida və tşəkkür mesajında daha sonra vurğulayıb: “Eskişehrin tarixi keçmişi, iqtisadi potensialı və təhsilə marağı şəhərin gələcəyinin ən böyük təminatı kimi qarşımızda dayanır. Bu gözəl şəhərdəki təcrübəm mənə göstərdi ki, şəhərin əsl gücü onun fiziki quruluşundan kənarda, insanların həmrəyliyində, müxtəlif ideyaları qarışdırmaq və ümumi dəyərlər ətrafında birləşmək bacarığındadır. Mənim və ailəmin Eskişehirə olan sevgisi, minnətdarlığı və bağlılığı ömrümüz boyu davam edəcək. Biz hara getsək bu gözəl şəhərin mədəniyyətindən, zəhmətindən, tolerantlığından danışacağıq. Biz Eskişehirsporu və onun gözəl azarkeşlərini, şəhərin ürəyindən keçən Porsuk çayının dinc axınını heç vaxt unutmayacağıq. Ümid edirəm ki, gözlərinizdəki parıltı heç vaxt sönməsin, şəhərimiz daim əmin-amanlıq və firavanlıq içində olsun”.
Sonda Yunus Emrenin
“Gelin tanış olalım
İşi kolay kılalım
Sevelim sevilelim
Dünya kimseye kalmaz”
misrasını xatırladan S.Altun Eskişehir ictimaiyyətindən də halallıq istəyib.
Onu da xatırladaq ki, S.Altun gerçək Azərbaycan dostudur. Eskişehirdəki fəaliyyəti dövründə daim Azərbaycanla bağlı məsəllərdə ön sırada dayanıb.
Dəyərli Salih Altuna yeni vəzifəsində də uğurlar arzu edirik.
İlk şərhi yaza bilərsiniz