Avqust ayının bütün sosial ödənişləri yekunlaşıb

Yazar: Bayraqdar Media. Tarix: 28 Avqust 2024 11:09

Dövlət Sosial Müdafiə Fondu

Son yeniləmə: 28 Avqust 2024 10:56

BAYRAQDAR MEDİA – Dövlət Sosial Müdafiə Fondu tərəfindən avqust ayının müavinət, təqaüd və ünvanlı dövlət sosial yardımları da avqustun 28-də tam ödənilib.

Bu barədə BAYRAQDAR MEDİA-ya Fonddan məlumat verilib.

Məlumata görə, bundan əvvəl – avqustun 9-da Bakı, Sumqayıt şəhərləri, Abşeron rayonu, avqustun 19-da isə bölgələr üzrə, habelə güzəştli şərtlərlə pensiya alan şəxslərin avqust ayının pensiya ödənişləri həyata keçirilib.

Beləliklə, avqust ayı üzrə bütün pensiya, müavinət, təqaüd və ünvanlı dövlət sosial yardımlarının ödənişi yekunlaşıb.