Son yeniləmə: 26 Avqust 2024 12:53
Yaxud hər guşəsində qədim tarix yatan Türkiyə turistlərə kəşflərlə dolu unudulmaz səyahətlər vəd edir
BAYRAQDAR MEDİA – Türkiyənin hər guşəsində qədim tarix, təbii gözəllik və mədəni zənginliyin bənzərsiz birləşimi, eləcə də kəşf olunmağı gözləyən gizli xəzinələr vardır.
Türkiye Turizm Tanıtım ve Geliştirme Ajansından (TGA) BAYRAQDAR MEDİA-ya avqustun 26-da verilən məlumatda belə deylir. Qeyd edilir ki, Burdurun yaşıl təpələrindəki Sagalassosun qədim xarabalıqlarından tutmuş mərkəzi batı frigiyalıların mistik mirasına qədər bu cür yerlər turistlərə kəşflərlə dolu unudulmaz səyahətlər vəd edir. Beləliklə məlumatı oxucuların diqqətinə çatdırırıq.
Frigiya vadisi: kəşf edilməmiş Anadolu torpaqları
Məlumatda öncə vurğulanır ki 2024-cü il Paris Olimpiadasının talismanının ilham mənbəyi frigiyalılar Anadolunun ən qədim sivilizasiyalarından biri idi: “Frigiya vadisi isə Eskişehir, Kütahya, Afyon və Ankara vilayətlərində bu mədəniyyətin irsini kəşf edə biləcəyiniz bir bölgədir. Türkiyənin ən uzun yürüş yollarından biri olan Frigya yoluna başlamaq üçün üç alternativ sahə Gordion, Seydilər və Yenice Farmdır”.
Yollar Eskişehirdəki Yazılıkayada birləşir
Məlumata əsasən Türkiyənin ən son UNESCO irs yerlərindən biri olan Qordion Frigiyanın siyasi və mədəni paytaxtı kimi tanınır: “Afyonda, füsunkar pəri bacaları ilə məşhur olan Seydilerdəki Frigya məskənləri ilə səyahətinizə başlayırsınız. Daha sonra frigiyalılardan bəri yaşayış məskəni olan Ayazini və Frig qaya məzarlarının və abidələrinin olduğu Göynüş, KütahyadakıYeniceFarm və burada qayadan oyulmuş Deliktaş və Penteser qalalarını görə bilərsiniz. Səyahətə harada başlamağınızdan asılı olmayaraq, yollar frigiyalıların ən görkəmli yaşayış yerlərindən biri olan Eskişehirdəki Yazılıkayada birləşir”.
Aeneas: Yeni mədəniyyət marşrutu
Məlumatda qeyd edilir ki, “Avropa Şurası tərəfindən qeydə alınan ilk və yeganə mədəniyyət marşrutu olan Aeneas Marşrutu Türkiyənin bənzərsiz təcrübələri arasındadır. Əfsanəvi Aeneanın rəvayətindən sonra Türkiyənin quzey-batı Egey sahilindən başlayaraq beş Avropa və Aralıq dənizi ölkəsini əhatə edən arxeoloji marşrut İtaliyanın Latiumunda yekunlaşır”.
Yeni Troya tikmək üçün səyahət
Məlumatda həmçinin deyilir: “Rəvayətə görə, Eney Troya müharibəsindən sonra Troyadan qaçıb və yeni Troya tikmək üçün səyahətə çıxıb. Bir çox istiqamətlərdən keçən bu səyahət İtaliya torpaqlarında Roma sivilizasiyasının əsaslarının qoyulması ilə başa çatıb. Aeneas marşrutu, bəziləri UNESCO-nun Ümumdünya İrs Siyahısına daxil edilmiş bir neçə kənd landşaftını, təbii əraziləri və arxeoloji sahələri ehtiva edir. Marşrut Çanaqqalanın Antik Troya şəhərində başlayır və Aeneanın gəmilərini inşa etdiyi Balıkesirdə Antandros Antik Şəhərinə qədər davam edir”.
Sagalassos: Dünyanın ən hündür teatrı olan qədim şəhər
Məlumatda əlavə edilir ki, bəşər tarixinin ən qədim diyarlarından biri olan Anadolu böyük arxeoloji zənginliyə malikdir: “Burdur Batı Anadolu bölgəsində bu arxeoloji abidələrin bəzilərinə ev sahibliyi etsə də, hələ də nisbətən az öyrənilmişdir. Şəhərin ən əhəmiyyətli tarixi sərvətlərindən biri Sagalassos qədim şəhəridir. Ağlasun rayonunda yerləşən Sagalassos, 9000 nəfərlik, dünyanın ən hündür teatrı olan qədim şəhər kimi seçilir. Roma İmperatorluğu dövründə Pisidiya bölgəsinin ən əhəmiyyətli şəhərlərindən biri olan şəhər 2009-cu ildə UNESCO-nun Ümumdünya İrs Siyahısına daxil edilmişdir. Şəhərin ən diqqətçəkən tikililəri arasında 2000 ildən bəri axan möhtəşəm Antonin Fəvvarəsi də var. Burdurun digər qədim şəhəri Kibyra da fəaliyyət göstərən qədim fəvvarələrin yerləşdiyi ikinci yerdir”.
