Son yeniləmə: 16 Avqust 2024 10:16
BAYRAQDAR MEDİA – Türkiyənin Anadolu Universiteti son illər uğurlar əldə etməkdə davam edir. Bu arada bəlli olub ki, YKS nəticələrindən sonra Anadolu Universiteti açıqöyrətim və bakalavr dərəcəsində kvota doluluğu üzrə 102 faizlə rekord əldə edib.
Bu barədə eskisehirhaber.com saytı məlumat yayıb.
Bildirilib ki, “Anadolu Universitetinin Yunus Emre Kampusu geniş kitabxana imkanları, tədqiqat mərkəzləri, laboratoriyalar və texnologiya ilə təchiz olunmuş sinif otaqları ilə tələbələrə dəstək olur, yaşıl təbiəti ilə dinc təhsil mühiti təklif edir. Tələbələrə ilk seçim olaraq Anadolu Universitetini seçmələrini təmin edən ən mühüm xüsusiyyətlərdən biri də onun geniş beynəlxalq əməkdaşlıqları və mübadilə proqramlarıdır”.
Məlumata görə, hər sahədə uğura dəstək verən Anadolu Universiteti tələbələrin gələcək qayğılarının qarşısını alır: “Tələbələrin təkcə günün deyil, həm də sabahın ehtiyaclarına cavab verən fərdlər kimi yetişməsinə töhfə verən Anadolu Universiteti təkcə bir təhsil müəssisəsi deyil, həm də bir uğur hekayəsinin başlanğıc nöqtəsi kimi qəbul edilir”.
Məlumatda vurğulanıb ki, avqustun 19-da başlayacaq universitet qeydiyyatları Anadolu Universiteti Yunus Əmrə Kampusunda müvafiq fakültə və ya kolleclərin qeydiyyat şöbələrində iş saatları ərzində aparılacaq: “Elektron qeydiyyat avqustun 19-dan avqustun 21-dək aparılacaq; Anadolu Universitetinə qəbul olan tələbələrin qeydiyyatla bağlı maraqlandığı bütün məlumatlar anadolu.edu.tr saytında mövcuddur.”
