Son yeniləmə: 12 Avqust 2024 23:51
BAYRAQADR MEDİA – Türkmənistan Nazirlər Kabineti yanında Nəqliyyat və Rabitə Agentliyinin baş direktoru Mammetxan Çakyev və Qazaxıstan Baş nazirinin müavini Serik Jumanqarin arasında ikitərəfli görüş keçirilib.
Bu barədə orient.tm saytı məlumat yayıb.
Bildirilib ki, “onlar nəqliyyat sektorunda əməkdaşlığın perspektivlərini müzakirə ediblər. Hər iki ölkə Quzey-Güney dəhlizinin Qazaxıstan və Türkmənistandan keçən doğu istiqamətinin inkişafında fəal əməkdaşlıq edir, yüklərin Pakistana və daha sonra Hindistana tranzitini təmin edir”.
Məlumata görə, 2024-cü ilin iyulunda Qazaxıstan, Rusiya, İran və Türkmənistan arasında Quzey-Güney dəhlizinin sinxron inkişafı üçün yol xəritəsi imzalanıb və Trans-Əfqan dəmir yolunun batı qolundan istifadəyə dair qərar qəbul edilib: “Qazaxıstan Əfqanıstan Turqundi-Herat-Qəndəhar-Spin-Buldak dəmir yolu hissələrinin tikintisində Türkmənistan və Əfqanıstanla birlikdə dəmir yolu xəttinin üst strukturu, şpallar, relslər və relslər üçün materialların daşınmasını təmin etmək baxımından iştirak etməyə hazır olduğunu bildirib”.
