Son yeniləmə: 9 Avqust 2024 09:54
BAYRAQDAR MEDİA – Qazaxıstan və Özbəkistan prezidentləri Akorda Prezident sarayında görüşüblər.
Bu barədə Kırım Haber Ajansı məlumat yayıb.
Bildirilib ki, “görüşdən sonra Qazaxıstan Prezidenti Qasım-Jomart Toqayev
Özbəkistan Prezidenti Şavkat Mirziyoyevə dövlət medalı olan “Qızıl Qartal” medalını təqdim edib”.
Məlumata görə, Qazaxıstanın paytaxtı Astanada Akorda Prezident sarayında keçirilən görüşdə iki lider siyasi, ticarət-iqtisadi, nəqliyyat-tranzit, investisiya, enerji, kənd təsərrüfatı, su, mədəni-humanitar və sənaye əməkdaşlığı sahələrində qarşılıqlı fəaliyyətin daha da gücləndirilməsi imkanlarını müzakirə ediblər: “Ş.Mirziyoyev Q.C.Toqayevə və qardaş qazax xalqına Qazaxıstanın ən yüksək dövlət medalını təqdim etdiyinə görə təşəkkür edib: “Mən bunu iki xalqın çoxəsrlik əsl dostluğunun və mehriban qonşuluq münasibətlərinin möhkəmləndirilməsi istiqamətində birgə səylərimizin yüksək qiyməti kimi qiymətləndirirəm. Qazaxıstan bizim ən yaxın, ən etibarlı və ən qədim tərəfdaşımızdır”.
