Press "Enter" to skip to content

BDU “Webometrics”də ölkə birincisidir

Bakı Dövlət Universiteti

BAYRAQDAR MEDİA – “Dünya Universitetlərinin Vebometrik Reytinqi” (“Webometrics Ranking of World Universities”) 2024-cü ilin birinci yarısının nəticələrini elan edib.

Bu haqda xəbər BAYRAQDAR MEDİA-ya Bakı Dövlət Univetsitetinin (BDU) mətbuat xidmətindən daxil olub.

Xəbərdə bildirilir ki, “müvafiq reytinq siyahısına əsasən, BDU 233 pillə irəliləyib və dünyanın 31606 ali təhsil müəssisəsinin adının yer aldığı reytinq siyahısında 3295-ci yerdə qərarlaşıb. Bununla yanaşı, BDU yeni uğura imza ataraq Avropanın 5 min 985 universiteti arasında 1 min 051-ci, Mərkəzi və Şərqi Avropanın 2 min 692 universiteti arasında isə 232-ci yerə yüksəlib. Onu da qeyd etmək lazımdır ki, BDU “Dünya Universitetlərinin Vebometrik Reytinqi”nin göstəricilərinə görə “Şəffaflıq” (“Transparency”) indikatoru üzrə ölkə birincisidir”.

Məlumat üçün bildirək ki, “Dünya Universitetlərinin Vebometrik Reytinqi”nin əsas məqsədi biliyə açıq çıxışı təşviq etmək, ali təhsil müəssisələrinin rəqəmsal fəaliyyətlərini və virtual akademik cəmiyyətə töhfələrini nəzərə alaraq onların qlobal fəaliyyətini qiymətləndirməkdir.

Mission News Theme by Compete Themes.