Son yeniləmə: 18 İyul 2024 14:21
BAYRAQDAR MEDİA – Energetika naziri Pərviz Şahbazov Azərbaycanda səfərdə olan Sloveniyanın ətraf mühit, iqlim və energetika naziri Bojan Kumerlə görüşüb.
Bu barədə BAYRAQDAR MEDİA-ya Energetika Nazirliyindən məlumat verilib.
Bildirilib ki, “görüşdə ölkələrimiz arasında təbii qaz və bərpa olunan enerji mənbələri də daxil olmaqla ikitərəfli və çoxtərəflienerji əməkdaşlığının gündəliyinə daxil olan məsələlər müzakirə edilib. “SOCAR” və “Geoplin” arasında qaz təchizatı sahəsində imzalanmış Anlaşma Memorandumunun əməkdaşlığın genişləndirilməsi və Sloveniyanın enerji təhlükəsizliyinə töhfə verilməsi çərçivəsində əhəmiyyəti vurğulanıb”.
Qeyd edilib ki, sloveniyalı nazir ölkəsinin enerji sistemi və enerji keçidi planları haqqında ətraflı məlumat verib: “Nazir Pərviz Şahbazov isə Azərbaycanda beynəlxalq tərəfdaşlarla özəl investisiya hesabına həyata keçirilən sənaye miqyaslı yaşıl enerji layihələri, bərpa olunan enerjinin ixracı planları haqqında danışıb.Görüş zamanı, həmçinin energetikanın müxtəlif istiqamətləri üzrə mövcud əlaqələrin genişləndirilməsi imkanları nəzərdən keçirilib”.
