BAYRAQDAR MEDİA – Elm və Ali Təhsil üzrə Dövlət Agentliyinin (EATDA) müvafiq əmri ilə Şəhriyar Laçınov Azərbaycan Dövlət İqtisad Universitetinin (UNEC) nəzdində Sosial-İqtisadi Kollecinə, Sevinc Həmzəyeva Qida Sənayesi Kollecinə və Davud Davudov Maliyyə-İqtisad Kollecinə direktor təyin edilib.
Bu haqda xəbər BAYRAQDAR MEDİA-ya EATDA-dan daxil olub.
Xəbərdə deyilir ki, “Ş.Laçınov bakalavriat təhsilini UNEC-də, magistratura təhsilini isə Azərbaycan Dövlət Pedaqoji Universitetinin (ADPU) ABŞ-nin Corc Vaşinqton Universiteti ilə birgə həyata keçirdiyi “Təhsil menecmenti/Təhsil və insan inkişafı” istiqaməti üzrə alıb. 3-cü “Yüksəliş” müsabiqəsinin finalçısı Ş.Laçınov bu təyinatadək Elm və Təhsil Nazirliyinin (ETN) Kadrların peşəkar inkişafı sektorunun müdiri vəzifəsində çalışıb”.
D.Davudov Milli Aviasiya Akademiyasında (MAA) “Hüquqşünas” ixtisası üzrə təhsil alıb və 2018-ci ildə ona Ali Attestasiya Komissiyası tərəfindən hüquq üzrə fəlsəfə doktoru elmi dərəcəsi verilib. D.Davudov müxtəlif notariat kontorlarında aparıcı mütəxəssis, vəkil bürosunda hüquqşünas vəzifəsində çalışıb. O, 2020-cü ildən etibarən MAA-da müəllim olaraq fəaliyyətini davam etdirib”.
S.Həmzəyeva 2005-ci ildə Bakı Qızlar Universitetinin (BQU) Tarix və ictimaiyyət ixtisası üzrə bakalavriat təhsili alıb. O, Cəbrayıl rayon Hovuslu kənd orta məktəbində tarix müəllimi, Bakı Qida Sənayesi Kollecində tarix müəllimi, şöbə müdiri və direktor müavini vəzifələrini icra edib. S.Həmzəyeva bu təyinatadək UNEC-nin nəzdində QSK-də tərbiyə işləri üzrə direktor müavini vəzifəsində çalışıb.
