Son yeniləmə: 5 İyul 2024 12:33
BAYRAQDAR MEDİA – Türkiyə Maarif Vəqfinin (TMV) Albaniyadakı məktəbi New York Schools-da məzun həyəcanı yaşanıb.
Bu barədə timebalkan.com saytı məlumat yayıb.
Bildirilib ki, “Paytaxt Tiranada ibtidai və lisey şagirdlərinin buraxılış mərasimində Türkiyənin ölkədəki qurum və təşkilatlarının nümayəndələri, müəllimlər, tələbələr və onların ailələri iştirak edib. Mərasimdə çıxış edən TMV Albaniya Nümayəndəsi Mesut Özbaysar bu xüsusi gündə onların hamısı illərlə çəkdikləri zəhmətin mükafatını almanın həyəcanını və qürurunu yaşadıqlarını bildirib. O, “Məktəbimiz Albaniyanın ən yaxşı özəl məktəbi seçildi. Bu mühüm uğur Maarif Məktəblərinin dünyada böyük brend kimi tanındığı təhsilin keyfiyyətinin əksidir. Bu mükafat təkcə müəllimlərimizin və inzibati heyətin müstəsna səylərinin deyil, həm də tələbələrimizin əzmkarlığının və qətiyyətinin göstəricisidir” deyib”.
