Son yeniləmə: 2 İyul 2024 12:25
BAYRAQDAR MEDİA – Məlum olduğu kimi Eskişehir Azərbaycanlılar Dərnəyi hər il ənənəvi olaraq diaspor işlərində aktiv olan, həmçinin dərnək fəaliyətlərində və Azərbaycanla bağlı tədbirlərdə xüsusi fəallıq gösətərən tələbələrə mükafatlar verir. İlboyu xalların verilməsi (panlama) sistemi ilə ən fəal 10 tələbə müəyyən edilir.
Bu barədə BAYRAQDAR MEDİA-ya Dərnəyin sədri Cavid Aydın məlumat verib.
Bildirilib ki, “Artıq 2023 – 2024-cü tədris ili sonundakı bal sisteminə görə aktiv olan 10 tələbə müəyyən edilib və əvvəlcədən bildirilən hədiyyələri onlara təqdim edilib”. C.Aydın “Tələbələrin aktif iştirakına görə dərnəyimizə dəstək olan sponsorlara və bütün il ərzində Azərbaycan üçün hər zaman çalışan gənclərimizə təşəkkür edirik. Onu da qeyd edək ki Eskişəhir Azərbaycanlılar Dərnəyinin Gənçlik qolu idarə heyətinin üzvləri bu puanlama sisteminə daxil edilmir. Çünkü onlar Dərnəyin tədbirlərində aparıcı güc olaraq, yəni Dərnəyin bir strukturu olaraq öz hüquqi fəaliyyətlərini yerinə yetirməlidirlər və yetirirlər”.
Beləliklə, 10 ən fəal tələbə müxtəlif mükafatlara layiq görülüb. Mükafatlar arasında Antalya Tekirova Sirius Otelde 3 gecə 4 günlük istirahət, İstanbula 2 gecə 3 günlük səyahət, Azərbaycana təyyarə bileti, hədiiqə kartı və müəyyən məbləğdə pul var.
