Son yeniləmə: 10 İyun 2024 08:57
BAYRAQDAR MEDİA – İyunun 8-də təhsilverənlərin təkrar sertifikatlaşdırılması prosesinin test mərhələsi təşkil olunub.
Bu haqda Elm və Təhsil Nazirliyinin (ETN) yaydığı xəbərdə bildirilir.
Xəbərdə deyilir ki, “imtahanlar 16 şəhər üzrə 29 imtahan mərkəzini əhatə edib. İmtahanda 95 faiz davamiyyət qeydə alınıb. İmtahanın nəticələri günün sonunadək müəllimlərin şəxsi kabinetlərinə göndərilib. Müəllimlər imtahanda təqdim edilən suallarla bağlı müraciətlərini 10 iyun saat 10:00-dan portal.edu.az platformasının “Sertifikatlaşdırma” bölməsinə daxil olmaqla ünvanlaya bilərlər. Müraciətlər 72 saat (3 gün) ərzində qəbul olunacaq. Müraciətlərin təhlilindən sonra yekun nəticələr elan ediləcək”.
Bildirək ki, təkrar sertifikatlaşdırma prosesinin müsahibə mərhələsi avqust ayında təşkil olunacaq və bu barədə ətraflı məlumat müəllimlərin şəxsi kabinetlərinə göndəriləcək.
Təkrar imtahanda keçid balını toplamayan təhsilverənlərlə iş üzrə komissiyalar 10 iyun tarixindən fəaliyyətə başlayacaq. Yerli təhsili idarəetmə orqanlarında yaradılmış bu komissiyalar tərəfindən təhsilverənlərin alternativ iş imkanlarına baxılacaq.
