Son yeniləmə: 7 İyun 2024 08:32
Prof.Dr. Canan Hecer: Əminəm ki, bundan sonra ali təhsil üçün Kıbrıs Batı Universitetini seçən azərbaycanlı gənclərin sayı durmadan artacaq
BAYRAQDAR MEDİA – “Azərbaycana səfər etməkdən məmnunuq. Əminəm ki, bu səfər və keçirilən sərgi iki qardaş ölkə arasında ali təhsil sahəsində əməkdaşlığın daha da dərinləşməsinə təkan verəcək”.
Bunu KKTC-də fəaliyyət göstərən Kıbrıs Batı Univeristetinin rektoru Prof. Dr. Canan Hecer dedi.
Mayın 30-da Bakıda keçirilən KKTC universitetlər tanıtım fuarında iştirak edən Canan xanım BAYRAQDAR MEDİA-ya özəl açıqlama da verdi.
Rektor qeyd etdi ki, Azərbaycanın KKTC-yə beynəlxalq arenada dəstək verməsi Kıbrıs türklərini çox sevindirir: “Təbii ki, KKTC də bir dövlət olaraq, o cümlədən 7-dən 77-yə bütün Kıbrıs türkləri hər zaman Azərbaycanın yanında olub. 44 günlük Vətən müharibəsinin hər gününü biz də sizlərlə eyni dərəcədə sevindik, həyəcanlandıq, həmçinin Ermənistanın sadə vətəndaşları atəşə tutması zamanı Kıbrıs da Azərbaycan qədər kədərə qərq oldu. Sevindirici odur ki, Azərbaycan tarixi zəfər qazandı. Bu, bütün türk dünyasının, o cümlədən Kıbrıs türklərinin, KKTC-nin də zəfəri idi. Bu tarixi zəfəri əldə edən qardaş Azərbaycana səfər etdiyim üçün çox xoşbəxtəm”.
Prof.Dr. Canan Hecer, həmçinin “bura Azərbaycan universitetləri ilə əməkdaşlığımızı gücləndirmək, üçün gəlmişik. Bura həm müəllimlər arasında mübadilə, həm müxtəlif təhsil proqramları vasitəsilə əməkdaşlıq, həm də təbii ki gənclərin bizim universiteti seçməsinə təkan verəcək addımların atılması daxildir” dedi.
Kıbrıs Batı Universitetində hansı sahələrdə təhsil verilməsinə gəlincə rektor bildirdi ki, onlar bir çox mühüm ixtisaslar üzrə təhsil verirlər: “Bizim universitedə ali təhsil almaq istəyənlər iqtisadi və sosial-bilimlər, mühəndislik, sağlıq, psixologiya, turizm işlətməçiliyi və kompüter mühəndisliyi kimi populyar olan bir çok sahələr üzrə seçim edə bilərlər. Azərbaycanlı gənclər bizim universitet haqqında daha dərindən bilgi əldə etmək istəyirlərsə universitetin saytına daxil ola bilərlər. O zaman gənclərə hansı imkanları yaratdığımızı, hansı imkanlara malik olduğumuzu görəcəklər və əminəm ki, bundan sonra ali təhsil üçün Kıbrıs Batı Universitetini seçən azərbaycanlı gənclərin sayı durmadan artacaq”.
O da qeyd edildi ki, universitetinin Türkiyə və Bolqarıstan universitetləri ilə əlaqələri var: “Azərbaycan universitetlıri ilə də əlaqələr qurmaq istəyirik. Eyni zamanda gələcəkdə digər ölkələrlə də ikitərəfli əlaqələrin qurulması planları mövcuddur”.
