Son yeniləmə: 5 İyun 2024 11:08
BAYRAQDAR MEDİA – Türkiyənin Ərbildəki yeni baş konsulu Erman Topçu vəzifəsinin icrasına başlayıb.
Bu barədə Türkmeneli TV məlumat yayıb.
Bildirilib ki, bununla bağlı sosial şəbəkə hesabından paylaşım edib. Paylaşımda baş konsul Türkiyənin Ərbildəki beşinci baş konsulu kimi fəaliyyət başlamasından məmnunluğunu ifadə edib: “Mən 14 il əvvəl Bağdad səfirliyimizdə çalışan gənc məmur olanda Baş Konsulluğumuzun açılışında iştirak etmişəm. Ona görə də Ərbilə baş konsul kimi qayıtmağım bu vəzifənin böyük şərəfi ilə yanaşı, mənim üçün də xüsusi xoşbəxtlik və məna daşıyır”.
Paylaşımda o, baş konsul kimi görəcəyi işlər barədə də qeydlər edib.
