Son yeniləmə: 2 İyun 2024 11:25
BAYRAQDAR MEDİA – Azərbaycanın sevilən kino və teatr aktyoru, Xalq artisti, Prof. İlham Namiq Kamala TÜRKSOY-un təltifləri təqdim edilib.
Ustadın BAYRAQDAR MEDİA-ya verdiyi xəbərə görə, ona TÜRKSOY-un 30-cu il medalı verilib.
Eyni zamanda İlham Namiq Kamala anadan olmasının 75 illiyi münasibətilə TÜRKSOY-un baş katibi Sultan Rayevin imzası ilə əlavə təltif də təqdim edilib. Təltifdə “Türk dünyası teatr və kino sənətinə qatqılarınızdan dolayı təşəkkür edirəm” qeydi yer alıb.
Əlavə edək ki, İlham Namiq Kamal 9 yanvar 1949-cu ildə anadan olub. O, Azərbaycan kino və teatr sənətinin ən parlaq simalarının önündə getməklə bərabər pedaqoji fəaliyyətlə də məşğuldur.
