BAYRAQDAR MEDİA – 225 saylı tam orta məktəbdə “Yaşıl dünya naminə həmrəylik ili”nə həsr olunmuş məktəb simpoziumu keçirilib.
Bu haqda Ekologiya və Təbii Nazirliyinin (ETN) yaydığı xəbərdə bildirilir.
Xəbərdə qeyd olunur ki, “ətraf mühitin, ekosistemin qorunmasına, bu istiqamətdə davamlı inkişafa dəstək olmaq məqsədi ilə 225 saylı tam orta məktəbin 8-10-cu sinif şagirdləri müxtəlif mövzular seçərək araşdırma aparıblar. Araşdırma müddətində şagirdlər əhali arasında sorğular keçirərək gəldikləri nəticəni təhlil edib, müxtəlif təkliflər hazırlayıblar”.
Bildirilir ki, tədbir gənc nəsil üçün ətraf mühitin mühafizəsində effektiv tədbirlər vasitəsi ilə həll yollarının tapılmasına bir nümunədir.
