Son yeniləmə: 27 May 2024 12:29
BAYRAQDAR MEDİA-nın dostu Denizli İl mədəniyyət və turizm müdiri təyin edilib
BAYRAQDAR MEDİA – Qardaş Türkiyənin Denizli şəhərində vəzifə dəyişikliyi baş verib.
Belə ki, Denizli İl Mədəniyyət və Turizm Müdirliyində vəzifə dəyişikliyi olub. Təxminən 4 il bu vəzifədə çalışan Turhan Veli Akyol bu vəzifədə son iş gününü keçirib.
Bu barədə denizli24haber.com saytı məlumat yayıb.
Bildirilib ki, Turhan Veli Akyol bununla bağlı sosial şəbəkə hesabından paylaşım edib. O, mesajında bunları qeyd edib: “24 May 2024-cü il Cümə günü iş saatı bitdikdən sonra valimiz və nazirimizin təsdiqi və etimadı ilə 6 dekabr 2019-cu il tarixdə başladığım İl müdiri vəzifəsindən ayrıldm. Haqlarınızı halal etmənizi xahiş edirəm. Bütün həmkarlarımıza, birlikdə işlədiyimiz qurum və təşkilatlara, mənə və qurumumuza əməyi olan hər kəsə təşəkkür edir, salam və ehtiramımı bildirirəm”.
Məlumata görə, T.V.Akyolun gedişindən sonra onun yerinə kim olacağı açıqlanıb: “Denizli Böyükşəhər Bələdiyyəsinin keçmiş Bələdiyyə Başçısı Osman Zolanın dövründə Mədəniyyət və Sosial İşlər İdarəsinin müdiri vəzifəsində çalışan Hüdaverdi Otaklı İl mədəniyyət və turizm Müdiri vəzifəsinə təyin edilib. Yeni müdir H.Otaklının təyinat məktubunun hələ gəlmədiyi və nazirlik məktubu gələn kimi vəzifəsinin icrasına başlayacağı öyrənilib”.
Qeyd edək ki, Azərbaycana xüsus rəğbəti ilə tanınan H.Otaklə eyni zamanda BAYRAQDAR MEDİA-nın da dostudur. Biz də H.Otaklıya yeni vəzifəsində uğurlar arzu edirik.
