Son yeniləmə: 27 May 2024 09:15
Qardaş ölkənin paytaxtında 28 may – Müstəqillik Günü və 26 iyun – Silahlı Qüvvələr Günü münasibətilə təntənəli bayram tədbiri keçirilib
BAYRAQDAR MEDİA – Azərbaycanın Türkiyədəki səfirliyinin təşkilatçılığı ilə Ankarada 28 may – Müstəqillik Günü və 26 iyun – Silahlı Qüvvələr Günü münasibətilə təntənəli bayram tədbiri keçirilib.
Bu barədə BAYRAQDAR MEDİA-ya səfirlikdən məlumat verilib.
Qardaş Türkiyədə Azərbaycana xüsusi münasibətin göstəricisi
Məlumata görə qardaş Türkiyədə Azərbaycana xüsusi münasibətin göstəricisi olaraq bayram tədbiri adətən mühüm dövlət tədbirlərinin olduğu Cumhurbaşkanlığı Beştepe Millet Kongre ve Kültür Merkezində təşkil edilib.
28 Mayıs Bağımsızlık Günü ve 26 Haziran Silahlı Kuvvetler Günü vesilesiyle Büyükelçiliğimizin org-da Cum. Başk. Kongre Kültür Merkezi’nde muhteşem konser programı düzenledik. Bu önemli güne katılım sağlayan kıymetli misafirlerimize ve emeği geçen her kese teşekkür ediyorum. pic.twitter.com/zsCfnYX1Cn
— Dr. Rashad Mammadov (@R_Eynaddinoglu) May 26, 2024
Bildirilib ki, “müstəqilliyimiz uğrunda canlarını fəda edən şəhidlərin əziz xatirəsinə 1 dəqiqəlik sükut və iki ölkənin dövlət himnlərinin səsləndirilməsinin ardından açılış çıxışları edilib”.
Rəşad Məmmədov: İki ölkənin dövlət başçıları münasibətlərin inkişafına mühüm töhfə verir
Səfir Rəşad Məmmədov çıxış edərək Azərbaycan Xalq Cümhuriyyətinin davamçısı olan müstəqil Azərbaycan Respublikasının dövlət və ordu quruculuğunda əldə etdiyi uğurlardan danışıb. O, bütün həmvətənləri bu əlamətdar gün münasibətilə təbrik edib.
Səfir Azərbaycan – Türkiyə münasibətlərinin dövlətüstü xarakterindən danışaraq, “iki ölkənin dövlət başçıları – İlham Əliyev və Recep Tayyip Erdoğan bu münasibətlərin inkişafına mühüm töhfə verir” deyib.
Numan Kurtulmuş: Azərbaycanla əlaqələrimizi iki dövlət, bir millət anlayışı ilə davam etdirmək əzmindəyik
Səfirliyin məılumatına əsasən mərasimdə dövlət qonağı qismində iştirak edən Türkiyə Böyük Millət Məclisinin (TBMM) sədri Numan Kurtulmuş çıxışında Azərbaycanın Müstəqillik Günü və Silahlı Qüvvələr Günü münasibəti ilə təbriklərini çatdırıb.
Can kardeşimiz Azerbaycan'ın Bağımsızlık ve Silahlı Kuvvetler Günü dolayısıyla düzenlenen programa katıldık.
Azerbaycanlı kardeşlerimizin millî gününü en kalbi duygularla tebrik ediyor, hayırlı olmasını diliyorum.
Azerbaycan ile dünyaya her alanda örneklik teşkil eden… pic.twitter.com/VBGUG1BaFI
— Numan Kurtulmuş (@NumanKurtulmus) May 25, 2024
TBMM sədri qardaş ölkələr olan Azərbaycan və Türkiyənin türk dünyasının güclənməsində roluna toxunub.
N.Kurtulmuş Azərbaycanın son dövrlərdə əldə etdiyi uğurlardan danışıb, torpaqlarını işğaldan azad edən Azərbaycanı alqışlayıb: “Azərbaycanlı qardaşlarımızın milli bayramını ən səmimi hisslərimlə təbrik edir, xeyirli olmasını arzu edirəm. Biz hər sahədə dünyaya nümunə olan Azərbaycanla əlaqələrimizi iki dövlət, bir millət anlayışı ilə davam etdirmək əzmindəyik və buna hazırıq”.
Təntənəli konsert proqramı təqdim olunub
Məlumata əsasən çıxışların ardından Azərbaycanın müstəqillik tarixini əks etdirən qısa film nümayiş etdirilib.
Bayram tədbirinin bədii hissəsində müğənni Çinarə Məlikzadə, Müdafiə Nazirliyinin Hərbi Orkestrinin solistləri Kənan Qədimov və Aynur İsgəndərlinin, eləcə Azərbaycanın Xalq artisti tarzan Sahib Paşazadənin və Azərbaycan Dövlət Rəqs Ansamblının iştirakı ilə təntənəli konsert proqramı təqdim olunub. Milli musiqimizin nümunələri və sevilən Azərbaycan rəqsləri sərgilənib.
Müstəqillik Günü və Silahlı Qüvvələr Günü münasibətilə keçirilən bayram tədbirində Türkiyənin yüksək vəzifəli şəxsləri və digər dövlət rəsmiləri, millət vəkilləri, Türkiyə ictimaiyyətinin nümayəndələri, bu ölkədə yaşayan azərbaycanlılar iştirak edib.
