BAYRAQDAR MEDİA – 22 may “Beynəlxalq Biomüxtəliflik Günü” ilə əlaqədar Ekologiya və Təbii Sərvətlər Nazirliyi (ETSN), BMT-nin Ərzaq və Kənd Təsərrüfatı Təşkilatının (FAO) birgə təşkilatçılığı, Azərbaycan Dövlət İqtisad Universitetinin tələbələrinin, Qobustan gənclərinin və ekokönüllülərin iştirakı ilə Qobustanda “Biomüxtəliflik davamlı gələcəyin açarıdır” mövzusuna həsr olunan maarifləndirici tədbir keçirilib.
Bu haqda ETSN-nin yaydığı xəbərdə deyilir.
Xəbərdə bildirilir ki, “Qlobal Ekologiya Fondunun dəstəyi, ETSN, FAO və Qafqaz üçün Regional Ekoloji Mərkəz tərəfindən birgə icra olunan “Torpaq Deqradasiyası Neytrallığına nail olmuş Azərbaycana doğru” layihəsi çərçivəsində keçirilən tədbir zamanı ETSN, FAO və Torpaqşünaslıq və Aqrokimya İnstitutunun nümayəndələri tərəfindən gənclərə maraqlı məlumatlar verilib, onların sualları cavablandırılıb”.
Daha sonra gənclər üçün qrup işi tapşırığı verilib, qalib komandalar mükafatlandırılıb.
