BAYRAQDAR MEDİA – Latviya Seyminin sədri Dayqa Mierina Azərbaycanda işgüzar səfərdədir. O, Prezident İlham Əliyevlə görüşüb, müzakirələr aparıb.
Bu haqda xəbəri Prezidentin mətbuat xidməti yayıb.
Daha sonra qonaq ekologiya və təbii sərvətlər naziri Muxtar Babayevlə görüşüb.
Bu haqda Ekologiya və Təbii Sərvətlər Nazirliyinin (ETSN) yaydığı xəbərdə bildirilir.
Xəbərdə qeyd olunur ki, “görüşdə iki ölkə arasında ətraf mühitin mühafizəsi, gələcək əməkdaşlıq imkanları müzakirə edilib, eyni zamanda Azərbaycanın bu il ev sahibliyi edəcəyi mötəbər tədbir olan BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlıq tədbirləri ətrafında fikir mübadiləsi aparılıb”.
