BAYRAQDAR MEDİA – Respublika Klinik Xəstəxanasında ilk dəfə icra olunan endoprotez əməliyyatı uğurla başa çatıb.
Bu barədə xəbər BAYRAQDAR MEDİA-ya mayın 20-də TƏBİB-dən verilib.
Bildirilib ki, “59 yaşlı xəstə üzərində həyata keçirilən bud-çanaq oynağının total artroplastikası (endoprotez) əməliyyatı İcbari tibbi sığortanın Xidmətlər Zərfi çərçivəsində qarşılanıb”.
Vurğulanıb ki, “10 ildən artıq müddətdə sol bud-çanağında ağrıları olan şəxs müvafiq müayinələrdən keçirildikdən sonra ona sol bud-çanağın 4-cü dərəcəli koksartroz diaqnozu təyin edilib və cərrahi əməliyyata qərar verilib. Əməliyyat xəstəxananın Travmatologiya şöbəsinin müdiri, həkim-travmatoloq Eldar Əsədli və travmatoloq-cərrah Tofiq Abdullayev tərəfindən həyata keçirilib”.
Hazırda xəstənin müalicəsi davam etdirilir, vəziyyəti sabit olaraq qiymətləndirilir.
