Rəşad Cabirli Bütün QHT, assosiasiya, dərnək təmsilçilərimizi əməkdaşlığa dəvət edirik
BAYRAQDAR MEDİA – “Bütün QHT, assosiasiya, dərnək təmsilçilərimizi əməkdaşlığa dəvət edirik”.Trend
BAYRAQDAR MEDİA xəbər verir ki, bunu MÜSİAD Azərbaycan idarə heyətinin sədri Rəşad Cabirli “X” sosial şəbəkəsindəki növbəti paylaşımında qeyd edib.
Paylaşımda öz əksini tapan fikirlrən cəmiyyətin bütün təbəqələri üçün əhəmiyyətli olduğunu nəzərə alaraq onu təqdim edirik.
Beləliklə, paylaşımda bu gün Azərbaycanda sahibkarlar üçün münbit ticari-iqtisadi mühitin formalaşdığını qeyd edən R.Cabirli daha sonra yazıb: “Sahibkarlıq fəaliyyəti ölkə başçımızın diqqət mərkəzindədir. Dövlət tərəfindən investisiya və yeni iş yerlərinin yaradılması, sənaye parkları, sənaye məhəllələrinin yaradılması, təşfiqlər, subsidiyalar və s. ilə bağlı son illər ərzində görülən işlər, müşahidə etdiyimiz strategiya qeyd etdiklərimin bariz nümunəsidir”.
R.Cabirli vurğulayıb ki, sahibkarlığın inkişafı üçün QHT, assosiasiya və dərnəklərin təşkil etdiyi forumlar, netvorkinq, b2b görüşlər və s. fəaliyyətlər ticarətin artırılması və investisiya qoyuluşları üçün önəm kəsb edir və təqdirə layiqdir: “Lakin məhsuldarlığın, effektivliyin artırlması üçün düşünürəm ki, qeyd olunan qurum və quruluşların öz aralarında əlaqələri sinerji təşkil etməsi baxımından xüsusilə əhəmiyyətlidir. Sahibkar əgər bir qurumda təmsil olunursa digər qurumun tədbirlərindən, fəaliyyətlərindən kənarda qalmamaq üçün hər iki, üç, dörd, beş və s. qurumda üzv olması, üzvlük haqqı ödəməsi şərt olmamalıdır. Bu ən azından israfdır, sahibkar üçün əlavə xərcdir.Bu səbəbdən qurumlar öz aralarında onlara üzv sahibkarların maraqlarından çıxış edərək üzvlərinin bütün fəaliyyətlərdə iştirakını təmin etməyə çalışmalıdır”.
“Beləcə, biz daha məqsədyönlü fəaliyyət göstərərək faydalı nəticələr əldə edə bilərik. Çünki məqsədimiz sadəcə kəmiyyət deyil, keyfiyyətdir. Mən bütün QHT, assosiasiya, dərnək təmsilçilərimizi bu istiqamətdə əməkdaşlığa dəvət edirəm. Dəyərli Sahibkarlar, hörmətli QHT, assosiasiya və dərnək rəhbərləri, gəlin hədəflərimiz doğrultusunda birlikdə daha gözəl Azərbaycan üçün gücümüzü birləşdirək!”- deyə sonda o bildirib.
