Ermənilərin hədəfə aldığı İlhan Aşkına sahib çıxmalıyıq
BAYRAQDAR MEDİA – “Ermənilərin hədəfə aldığı İlhan Aşkına sahib çıxmalıyıq. Çünki İlhan bəy Azərbaycanı, milli marasqlaırmızı müdafiə etdiyi üçün erməniləri qəzəbləndirib. Ona dəstək vermək hər birimizin mənəvi borcudur”.
Bunu BAYRAQDAR MEDİA-ya açıqlamasında Niderland Azərbaycan-Türk Mədəniyyət Dərnəyinin sədri İlhan Aşkının məhkəmə prosesi barədə danışan diaspor məsələləri üzrə mütəxəssis İlqar İlkin deyib.
O, qeyd edib ki, mayın 15-də yerli vaxtla saat 15:00-da Niderlandda fəaliyyət göstərən Niderland Azərbaycan-Türk Mədəniyyət Dərnəyinin sədri İlhan Haaqa şəhər Ağır Cəza Məhkəməsində növbəti məhkəməsi keçiriləcək. Məlumat üçün bildirim ki, İlhan Aşkın ötən il Niderlandda Lahey məhkəməsinin qərarı ilə 1000 avro məbləğində cərimə olunub, üstəlik iki aylıq həbs cəzasına məhkum edilib. Bu qərar verilərkən İlhan Aşkın Niderlandda olmayıb və qərar ermənilərin təsiri altında tez-tələsik verilib”.
İlqar İlkin məsələnin kökündə İlham Aşkının Azərbaycana dəstəyini dayandığını deyib: “İlham Aşkın nəinki Avropada, ümumilikdə dünyada diaspro fəallarımızdan biri kimi tanınır. Ermənilərin onu məhkəməyə verməsinin səbəbi isə 2020-ci ilin oktyabr ayında Gəncəyə raket hücumları ilə bağlı Haaqada Ermənistan səfirliyi önündə aksiyanln keçirilməsi və orada İlhan Aşkının çıxışları olub. Bundan qəzəblənən ermənilər necə deyərlər, indi ondan heyif çıxırlar”.
O, qeyd edib ki, İlhan Aşkın Niderland Krallığı Cəza Qanununun 137 c.1, 137 c.2, 137 c.47 maddələri ilə günahkar bilinir:“Belə ki, o, Haaqa bələdiyyəsi ərazisində təşkil etdiyi mitinqdə “ermənilər terrorçudur”, “ermənilər təcavüzkardır” kimi irqi ayrı-seçkilik yayan şüarlardan istifadə olunmasında ittiham edilir. İlhan Aşkına ikinci ittiham 26 fevral 2020-ci ildə mitinqdə çıxış edərək, ermənilərə səslənməsi və “Qarabağdan çıxın, oralar sizin torpağınız deyil! Oralar sizə məzar olacaq!” sözləridir. Bu ittiham Niderland Krallığının Cəza Qanununun 137 d-1, 137 d-2 və 47-ci maddəsilə (erməni irqinə qarşı üsyana təşviq etmə) təsbit olunub. Üçünci ittiham isə onun 5 iyun 2021-ci ildə öz sosial şəbəkə hesabında ermənilərin Qarabağda mina xəritələrinin Azərbaycana verilməməsi ilə bağlı yazdığı fikirlərdir. İlhan Aşkın öz statusunda qeyd edib ki, əgər Ermənistan mina xəritələrini Azərbaycana vermirsə, müharibədə əsir düşən erməniləri həmin minalı ərazilərdə gəzdirmək lazımdır”.
İ.İlkinin sözlərinə görə, məhkəmənin ötən il qəbul etdiyi qərarından narazı qalan İlhan Aşkın apellyasiya şikayəti verib: “Bu gün yəni mayın 15-də həmin şikayət üzrə məhkəmə keçiriləcək. Lakin hesab edirəm ki, onu tək qoymaq olmaz. Daha da açıq desək, İlhan Aşkının bu davada tək qalması qəbuledilməzdir. Bu bir mücadilədir, vaz keçməyəcəyimiz davadır. Kim özünü bu davanın adamı sayırsa, bu gün İlhan bəyin yanında olmalıdır”.
