Son yeniləmə: 14 May 2024 11:27
Məmurlara ictimai nəqliyyat kartı veriləcək
BAYRAQDAR MEDİA – Qardaş Türkiyədə qənaət rejimi tətbiq edilməyə başlanır. Bu arada isə dövlət sektorunda qənaət tədbirləri çərçivəsində qəbul edilən qərarlar bəlli olub.
Məlumatı denizli24haber.com saytı yayıb.
Bildirilib ki, “ən diqqət çəkən addımlardan biri ictimai nəqliyyatdan istifadə ilə bağlıdır. Mayın 13-də xəzinə və maliyyə naziri Mehmet Şimşək bu qərarları ictimaiyyətə açıqlayıb. Həmin qərarlara əsasən, müdafiə və təhlükəsizlik istisna olmaqla, ictimai nəqliyyatın mövcud olduğu yerlərdə ictimai personalın servis xidmətləri dayandırılacaq”.
Məlumata görə, nazir, 3 il müddətində yeni nəqliyyat vasitələrinin alqı-satqısı və kirayəsinin aparılmayacağı, artıq nəqliyyat vasitələrinin və təsərrüfat müddətini başa vurmuş nəqliyyat vasitələrinin ləğv ediləcəyi bildirib: “Bundan başqa, bildirilib ki, büdcədənkənar mənbələrdən olan nəqliyyat vasitələrinin istifadəsi ciddi qaydalara tabe olacaq və qanunla icazə verilənlər istisna olmaqla, xarici mənşəli avtonəqliyyat vasitələrinin istifadəsi qadağan ediləcək. Bu yeni tənzimləmə çərçivəsində dövlət işçilərinə ictimai nəqliyyat kartlarının verilməsi nəzərdə tutulur. İlk tətbiqin böyük şəhərlərdə həyata keçirilməsi gözlənilən qərara əsasən, aylıq ictimai nəqliyyat kartının gündəlik bir gediş və bir gəliş olmaq üzrə verilməsinin xərc üstünlüyü təmin edəcəyi vurğulanır”.
