BAYRAQDAR MEDİA – Bolqarıstanın müvəqqəti Baş nazir və xarici işlər naziri Dimitar Qlavçev Quzey Makedoniyada seçkilərin nəticələrini dəyərləndirib.
Radio Bolqarıstan xəbər verir ki, o, Quzey Makedoniyanın Avropadakı inkişaf yolu ilə bağlı Bolqarıstanın bundan sonra güzəştə getməsinin mümkün olmadığını bildirib.
Məlumata əsasən, Qlavçev Skopyedə yeni hökumətin strukturunun necə olacağı bəlli olana qədər gözləməyə çağırıb: “Ümid edirəm ki, onlar Avropa perspektivlərini qoruyub saxlayırlar. Ölkəmizin daha güzəştə getməsi mümkün deyil. Bizim mövqeyimiz ümumavropa münasibətidir. “Dostlarımız aydın başa düşürlər ki, AB-yə üzvlük şərtlərinə cavab verməsələr, bu, nəticə verməyəcək”.
