BAYRAQDAR MEDİA – Tanınmış futbolçu və Təbrizin “Maşınsazi” futbol komandasının keçmiş baş məşqçisi Rəsul Xətibi sosial media hesabında Tehranın Azərbaycan və azərbaycanlılar üçün qərar verməsini doğru hesab etməyib.
Bu barədə xəbəri GünAz.TV verib.
Rəsul Xətibi bildirib ki, “Azərbaycanımız üçün paytaxtda oturanlar deyil, azərbaycanlılar qərar verməlidir. Arxayın olun ki, belə olmadığı müddətcə heç bir inkişaf və irəliləyiş olmayacaq, qeyrət və təəssübdən danışırıq, ancaq yadlara pərəstiş edirik”.
Məlumata görə, ulduz futbolçunun paylaşımı Güney Azərbaycanlı sosial media istifadəçilərin dəstəyini qazansa da fars və farspərəst istifadəçilərin qəzəbi ilə qarşılaşıb.
Qeyd edilir ki, Rəsul Xətibi 1978-ci ildə Təbrizdə anadan olub. Bir müddət “Traxtur” komandasında oynayıb, komandanın baş məşqçisi olub.
