BAYRAQDAR MEDİA – 8-9-10 mayda YARAT Müasir İncəsənət Məkanında litvalı fotoqraf İgnas Maldus ilə üç günlük Fotoqrafiya ustad dərsləri keçiriləcək.
Bu haqda YARAT-ın yaydığı xəbərdə deyilir.
Xəbərdə bildirilir ki, “analoq fotoqrafiyaya maraq göstərən hər kəs üçün nəzərdə tutulmuş ustad dərsləri üç gün ərzində nəzəri və praktiki laboratoriya dərsləri ilə intensiv bir təcrübə təqdim edəcək. Fotoqraf İ.Maldus ilə birlikdə məkan gəzintiləri ilə başlayacaq dərslər ağ-qara perspektivlərin dərinliyini kəşf etmək, laboratoriyada fotoların aşkarlanmasını öyrənmək və sərgi üçün foto çap etmə proseslərini özündə birləşdirir. Finalda isə iştirakçıların işləri yekun sərgidə nümayiş etdiriləcək. Dərslər həm təcrübəli fotoqraflar, həm də yeni başlayan həvəskarlar üçün nəzərdə tutulub”.
Qeyd edək ki, ustad dərslərində iştirak üçün qeydiyyatdan keçmək lazımdır.
