Son yeniləmə: 1 May 2024 14:19
Qərbi Azərbaycan Televiziyasının binasının açılışı oldu
BAYRAQDAR MEDİA – Mayın 1-də Qərbi Azərbaycan İcmasının tərkibində fəaliyyət göstərən Qərbi Azərbaycan Televiziyasının binasının açılışı oldu. Tədbirdə İcma rəhbərliyi, tanınmış ictimaiyyət nümayəndələri iştirak edirdi.
BAYRAQDAR MEDİA-nın məlumatına görə, açılış mərasimində öncə Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərli çıxış etdi. O, çıxışında “Qərbi Azərbaycan televiziyası son 200 ildə mərhələlərlə öz el – obasından deportasiya edilən soydaşlarımız, Qərbi Azərbaycanda məhv edilən irsimiz barədə həqiqətlərin çatdırılmasına, o cümlədən sülh yolu ilə, təhlükəsiz və ləyaqətlə geri qayıdış uğrunda aparılan fəaliyyətə yaxından dəstək olmaqla, bütün işini bu istiqamətə kökləyib” deyə qeyd etdi.
Çıxışda o da vurğulandı ki, televiziyanın yeni istifadəyə verilən binası bu fəaliyyəti həyata keçirmək üçün bütün imkanlarla təchiz olunub.
Mərasimdə, həmçinin Qərbi Azərbaycan İcması İdarə Heyəti sədrinin müavini, Milli Məclisin deputatı Hikmət Babaoğlu çıxış edərək televiziyanın fəaliyyətinə uğurlar dilədi. Millət vəkili yərək kanalın Qərbi Azərbaycanın zəngin irsinin, tarixinin, mədəniyyətinin təbliği baxımından da mühüm əhəmiyyət daşıdığını vurğuladı.
Çıxışlardan sonra açılışın rəmzi xarakteri olan qırmızı lent kəsildi.
Qonaqlar və media nümayəndələri bina, həmçinin, orada Qərbi Azərbaycan Televiziyasının əməkdaşları üçün yaradılan şəraitlə tanış oldular.
Onu da bildirək ki, Qərbi Azərbaycan TV-nin Sosial Media hesabları aşağıdakılardır.
1. Youtube: https://www.youtube.com/@QerbiAzerbaycanTV/videos
2. Facebook: https://www.facebook.com/people/Q%C9%99rbi-Az%C9%99rbaycan-TV/100095259673458/
3. İnstagram: https://www.instagram.com/qerbi.aze.tv/
4. Tik-tok: https://www.tiktok.com/@qerbi.aze.tv
