BAYRAQDAR MEDİA – Aprelin 29-da Qırğızıstanın paytaxtı Bişkekdə şəhərin yaranmasının 146-cı ildönümü qeyd olunub.
Bu barədə Kirim Haber Ajansı məlumat yayıb.
Bildirilib ki, “Şəhər Günü şərəfinə paytaxt meriyası bayram proqramı hazırlayıb. Bayram şənliyi şəhərin adını daşıyan Bişkek Qəhrəman Abidəsi qarşısında təşkil edilən teatr tamaşası və mini konsertlə başlayıb”.
Məlumata görə, məktəblərdə “Mənim sevimli şəhərim Bişkek” və “Bişkek şəhərinin tarixi” mövzularında dərslər keçirilib: “Şəhərin yaranmasının 146-cı ildönümünə həsr olunmuş bayram tədbirləri hökumət binasının qarşısındakı Turdakun Usubayev meydanında izdihamlı vals şousu və konsert proqramı ilə davam edib”.
