Son yeniləmə: 29 Aprel 2024 15:22
BAYRAQDAR MEDİA – Dövlət İmtahan Mərkəzində (DİM) mayın 1-də TOEFL iBT imtahanı keçiriləcək.
Qurumun yaydığı məlumata əsasən, imtahana gəlməli olan şəxslər saat 08:00-dan gec olmayaraq şəkilli şəxsiyyət vəsiqəsi və ya ümumvətəndaş pasportu ilə birlikdə imtahan binasında olmalıdırlar.
Məlumatda deyilir ki, imtahan saat 09:00-da başlanır: “TOEFL iBT imtahanında iştirak etmək üçün 15 və daha aşağı yaş qrupuna aid olan uşaqlar imtahan binasına valideynləri ilə birlikdə gəlməlidirlər. TOEFL iBT imtahanı haqqında daha ətraflı məlumatla DİM-in səhifəsindən tanış olmaq mümkündür”.
