BAYRAQDAR MEDİA – Dünyanın aparıcı elmi-analitika şirkəti olan “Elsevier” korporasiyasının rəhbər şəxsləri ilə görüş keçirilib.
Bu haqda xəbər BAYRAQDAR MEDİA-ya Elm və Ali Təhsil üzrə Dövlət Agentliyindən (EATDA) daxil olub.
Xəbərdə bildirilir ki, “EATDA-nın direktoru Ülkər Səttarova sözügedən şirkətin Amsterdamda yerləşən baş ofisində şirkətin rəhbər şəxsləri ilə görüşüb. Görüşdə “Elsevier” şirkətinin nümayəndələri Azərbaycanda elmi-tədqiqat işlərinə həsr olunmuş və təhlilə əsaslanan təqdimatla çıxış ediblər. Əlavə olaraq, süni intellektdən istifadə etməklə yeni analitik təhlil alətləri təqdim olunub”.
Görüş Azərbaycanda elmi-tədqiqat işlərinin təşkilinin daha da təkmilləşdirilməsi və beynəlxalq məkana inteqrasiyası üçün mühüm əhəmiyyət kəsb edir. Həmçinin gələcəkdə müvafiq sahədə qərarların qəbul edilməsi baxımından görüş xüsusi önəm daşıyır.
