Son yeniləmə: 25 Aprel 2024 15:14
BAYRAQDAR MEDİA – İqtisadiyyat nazirinin müavini Sahib Məmmədov Böyük Britaniya və Şimali İrlandiya Birləşmiş Krallığının “UK Export Finance” qurumunun (UKEF) qlobal mənşə üzrə həmsədri Emma Tomasla görüşüb.
Bu barədə BAYRAQDAR MEDİA-ya aprelin 25-də İqtisadiyyat Nazirliyindən məlumat verilib.
Bildirilib ki, “görüşdə Azərbaycan iqtisadiyyatı,investorlar üçün yaradılan imkanlar,azad edilmiş ərazilərimizin iqtisadi potensialıbarədə məlumat verilib”.
Xəbərdə deyilir ki, Sahib Məmmədov Azərbaycanda COP29-la bağlı həyata keçirilən tədbirlər barədə məlumat verib. Nazir müavini bu çərçivədə əməkdaşlığın önəmini vurğulayıb.
Öz növbəsində Emma Tomas təmsil etdiyi qurumun fəaliyyəti barədə ətraflı məlumat verib: “O, Azərbaycanla tərəfdaşlıqda infrastruktur, nəqliyyat, “yaşıl” enerji, yüksək texnologiyalar, rəqəmsal iqtisadiyyat və digər istiqamətlər üzrə imkanları barədə danışıb”.
Məlumata görə, görüşdə, həmçinin tərəflər əlaqələrin mümkün istiqamətləri barədə fikir mübadiləsi aparıblar: Eyni zamanda, UKEF-in maliyyə alətlərinin Azərbaycanda istifadəsi imkanları, tərəfdaşlığın qurulması üçün təmasların davam etdirilməsi məsələləri müzakirə edilib”.0
