BAYRAQDAR MEDİA – Bakı Şəhər Mədəniyyət Baş İdarəsinin (BŞMBİ) təşkilatçılığı ilə “Qonağımız var” layihəsi çərçivəsində Suraxanı rayon Heydər Əliyev Mərkəzində yazıçı, jurnalist, publisist, televiziya aparıcısı Həmid Herisçi ilə görüş keçirilib.
Bu haqda BŞMBİ-nin yaydığı xəbərdə deyilir.
Xəbərdə qeyd olunur ki, “öncə Azərbaycanın Dövlət Himni səsləndirilib və şəhidlərin əziz xatirəsi bir dəqiqəlik sükutla yad edilib. Görüşdə rəsmilər, mədəniyyət işçiləri, şəhid ailələri, rayon ictimaiyyətinin nümayəndələri iştirak ediblər. Tədbirin aparıcısı çıxış edərək, H.Herisçinin jurnalist fəaliyyəti, yaradıcılığı haqqında məlumat verib. Daha sonra televiziya proqramlarından, müxtəlif ekran işlərindən, postmodern üslubda yazılmış iri həcmli romanlarından və şeirlərindən söhbət açılıb”.
Sonda publisist iştirakçıların suallarını cavablandırıb.
