BAYRAQDAR MEDİA – Martın 31-də keçirilən yerli seçkilərdə Denizlidə də dəyişiklik baş verib. Bu seçkilərdə qalib gələn Bülent Nuri Çavuşoğlunun vəzifəsinin icrasına başlaması üçün Bələdiyyə binasında mərasim keçirilib.
Bələdiyyənin məlumatına görə, mərasimdə CHP Denizli millət vəkili Şeref Arpacı, Denizli Böyükşəhər Bələdiyyə sədri Bülent Nuri Çavuşoğlu və həyat yoldaşı Nilgün Çavuşoğlu, keçmiş sədr Osman Zolan, CHP Denizli İl Bələdiyyə başçısı Ali Osman Hörzüm və rayon məclis üzvləri iştirak ediblər.
Məlumata görə, Bələdiyyə binası önünə toplaşan minlərlə vətəndaş tərəfindən coşğu ilə qarşılanan bələdiyyə sədri B.N.Çavuşoğlu O. Zolana güllər təqdim edib.
Seçki nəticələrinin uğurlu olmasını arzulayan O.Zolan deyib: “Dua edirəm ki, siz böyük xidmətlər göstərəsiniz. Denizlimiz indikindən irəli getsin, daha yaxşı getsin, çoxlu işlərə imza atsın. Sizə uğurlar arzulayıram”.
B.N.Çavuşoğlu isə deyib: “Həqiqətən zövqlü, yaxşı mübarizə oldu. Təbii ki, hər kəs bu mübarizənin sonunda qalib gəlmək istəyir. Amma Denizlinin qalib gəldiyinə əminik. Əmin olun, biz sizin bilik və təcrübənizdən gələcəkdə hər zaman faydalanacağıq”.
Çıxışlardan sonra yeni sədr köhnə sədrdən Denizli Böyükşəhər Bələdiyyəsinin möhürünü qəbul edərək O.Zolanı bələdiyyə binasından yola salıb.
