Ünal Üstel: “Üç dövlət, bir millət” deyiminin reallığa çevrildiyini görmək məni çox sevindirdi
BAYRAQDAR MEDİA – KKTC Baş naziri Ünal Üstel şəxsi sosial media hesabındakı paylaşımında Azərbaycan Milli Məclisində Azərbaycan – Kuzey Kıbrıs Türk Cümhuriyyəti parlamentlərarası əlaqələr üzrə işçi qrupun yaradılmasını tarixi mərhələ kimi qiymətləndirib.
Ü.Üstel paylaşımında “Üç dövlət, bir millət” deyiminin gündən-günə daha çox reallığa çevrildiyini görməkdən xoşbəxt olduğunu bildirib.
Baş nazir, həmçinin qeyd edib ki, Azərbaycan ilə KKTC arasında qurulan siyasi, iqtisadi və diplomatik əlaqələrin rəsmi olaraq parlament səviyyəsinə çatmasından xoşbəxtdir.
O, Türkiyə Cümhurbaşqanı Recep Tayyip Erdoğana, Azərbaycan Prezidenti İlham Əliyevə, Azərbaycan Milli Məclisinin sədri Sahiba Qafarovaya, Yeni Azərbaycan Partiyasının sədr müavini Tahir Budaqova və partiyanın bütün üzvlərinə təşəkkür edib.
