Son yeniləmə: 2 Aprel 2024 15:28
BAYRAQDAR MEDİA – “Məktəbdə…” layihəsinin növbəti görüşü keçiriləcək. Görüş aprelin 3-də paytaxtdakı 239 nömrəli tam orta məktəbdə olacaq.
Bakı Şəhəri üzrə Təhsil İdarəsi tərəfindən reallaşdırılan layihənin budəfəki qonağı şair, Əməkdar incəsənət xadimi Baba Vəziroğlu olacaq.
Bu barədə BAYRAQDAR MEDİA-ya aprelin 2-də qurumdan məlumat verilib.
Bildirilib ki, “görüşdə məktəb və müəllimin insan həyatındakı rolu, mənəvi-əxlaqi dəyərlərə hörmət, uşaqlarda özünəinam və özünüinkişaf xüsusiyyətlərinin formalaşdırılması, müəllim-şagird münasibətləri, yeniyetmə və gənclərdə ictimai məsuliyyət hissi və digər maraq doğuran mövzular ətrafında söhbətlər aparılacaq, məktəbliləri düşündürən suallara aydınlıq gətiriləcək”.
Layihənin informasiya dəstəyi “Kaspi” qəzeti və Kaspi.az saytıdır.
