BAYRAQDAR MEDİA – Özünün anti-Azərbaycan və ümumiyyətlə anti-türk çıxışlarıyla diqqət çəkən Rusiyalı ermənipərəst jurnalist indi ermənilərin də qınağına tuş gəlib. Ona görə onun verilişləri Ermənistanda yasaqlanıb.
Jurnalistin “Vladimir Solovyovla axşam” və “Vladimir Solovyovla bazar axşamı” adlı iki ayrı müəllif verilişinin RTR Planeta kanalındakı yayımlarının Ermənistanda göstərilməsinin yasaqlanması haqda məlumatı yüksək texnologiya sənayesi nazirinin müavini Avet Pogosyan özünün Facebook hesabında yazıb.
Səbəb olaraq bu verilişlərdə Vladimir Solovyovun son zamanlar davamlı şəkildə Ermənistana münasibətdə pozuntulara yol verdiyi göstərilir.
