Son yeniləmə: 28 Mart 2024 14:43
BAYRAQDAR MEDİA – Qırğızıstana gələn turistlərdən tibbi sığorta tələb olunacaq.
Bulak.kg xəbər verir ki, bunu “Birinci Radio”nun efirində Dövlət Sığorta Təşkilatı ASC-nin sədri Eldiyar Kaldarbəyov deyib.
Onun sözlərinə görə, hər il Qırğızıstana turist axını olur və onlar sığortanın vacibliyini bilərək, bu sənədin imzalanması üçün yerlər axtarırlar.
O, qeyd edib ki, Dövlət Sığorta Təşkilatı yeni mexanizmlər hazırlayıb: “İndi biz turistlərdən məcburi sığorta tələb etməyə başlamışıq. Burada təkcə yay istirahəti deyil, həm də qış turizmi yaxşı inkişaf edir.Hər hansı bir hadisə baş verərsə, dövlət sığorta yardımı göstərəcək”.
E.Kaldarbəyov onu da bildirib ki, qırğızıstanlılar sığortanın vacibliyini müəyyən dərəcədə etiraf etməkdən imtina edirlər: “Siz başa düşməlisiniz ki, sığorta zamanın tələbidir. Və bu, uzun müddətdir ki, dünyada tətbiq olunur. Ancaq elementar qaydada heç kim könüllü gəlib evini və ya avtomobilini sığortalamağa tələsmir. Amma xaricə gedəndə hamımız sığortaya qaçırıq, çünki bizi sığortasız başqa ölkəyə buraxmırlar. Biz bu sığorta mədəniyyətini ölkəmizdə möhkəm şəkildə tətbiq etməliyik ki, hər bir vətəndaş bu prosedurun tam məsuliyyətini dərk etsin”.
