Son yeniləmə: 18 Mart 2024 09:34
QHT-lər “Yaşıl dünya naminə həmrəylik ili” çərçivəsində ağacəkmə aksiyasına qoşulub
BAYRAQDAR MEDİA – Ekologiya və Təbii Sərvətlər Nazirliyi və Qeyri-Hökumət Təşkilatlarına Dövlət Dəstəyi Agentliyinin birgə təşkilatçılığı ilə Bakının Müşfiqabad qəsəbəsində ağacəkmə aksiyası keçirilib.
Bu barədə Agentliyin saytında yerləşdirilən məlumatda qeyd edilib.
Məlumata əsasən, “Yaşıl dünya naminə həmrəylik ili” çərçivəsində keçirilən aksiya zamanı 1 hektar ərazidə Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.
Ağacəkmə aksiyalarının keçirilməsində məqsəd ictimaiyyətin diqqətini ətraf mühitin sağlamlaşdırılmasına, yaşıllıqların bərpasına və artırılmasına yönəltmək, ağacəkmə işini ümummilli hədəflərimizdən birinə çevirmək, ətraf mühitin mühafizəsinə və iqlim dəyişmələri ilə mübarizəyə töhfə verməkdir. Aksiya davamlı olacaq”.
