BAYRAQDAR MEDİA – Martın 14-də elm və təhsil naziri Emin Əmrullayev Abşeron rayonunda vətəndaşları qəbul edəcək.
Bu haqda sözügedən Nazirliyin yaydığı xəbərdə deyilir.
Xəbərdə bildirilir ki, “qəbulda Sumqayıt şəhəri, Abşeron, Xızı və Qubadlı rayonlarının sakinləri iştirak edə bilərlər. Adları çəkilən şəhər və rayonların sakinləri 11 mart (saat 18:00-dək) tarixinədək Elm və Təhsil Nazirliyinin (ETN) Çağrı Mərkəzinin 146 – 2 və 146 – 6 nömrəli telefonlarına (yalnız iş günləri və saatları ərzində) zəng etməklə qəbula yazıla bilərlər. Bununla yanaşı, nazirliyin rəsmi saytının əlaqə bölməsinə elektron formada və ya +994 51 206 78 48 nömrəsinə WhatsApp vasitəsi ilə müraciət göndərmək lazımdır”.
