Son yeniləmə: 7 Mart 2024 10:19
BAYRAQDAR MEDİA – Bolqarıstanın maliyyə naziri Asen Vasilev “Prodaljavame Promyanata – Demokratik Bolqarıstan” və GERB-SDS arasında Nazirlər Kabinetinin rotasiyası ilə bağlı danışıqların martın 8-də aparılacağını açıqlayıb.
Bu barədə Radio Bolqarıstan məlumat verib.
Məlumata görə, A.Vasilev bəyan edib ki, hökumət strukturunda minimal dəyişikliklər gözləyir və danışıqlar üçün ən vacib məsələ tənzimləyicilərin necə işləyəcəyinə aydınlıq gətirmək, yəni siyasi təsirə tab gətirə biləcək struktur seçməkdir.
A.Vasilev bildirib ki, Maliyyə Nazirliyi ötən 9 aylıq idarəetmə dövründə proqramda nəzərdə tutulan bütün tədbirləri həyata keçirib.
Hökumətin istefası parlament tərəfindən qəbul edildikdən sonra prezident Rumen Radev 49-cu Xalq Assambleyasında ən böyük qrupa, yəni GERB-SDS-ə ilk kabinetin formalaşdırılması tapşırığını verməzdən əvvəl parlamentdə təmsil olunan altı qurumla məsləhətləşmələr aparacaq.
