BAYRAQDAR MEDİA – Martın 9-10-u saat 19:00-da Akademik Milli Dram Teatrında Çingiz Aytmatovun ”Gün var əsrə bərabər” romanı əsasında “Əsrə bərabər gün” tamaşası nümayiş olunacaq.
Bu haqda sözügedən Teatrın yaydığı xəbərdə bildirilir.
Xəbərdə deyilir ki, “Əməkdar incəsənət xadimi, Teatrın bədii rəhbəri Mehriban Ələkbərzadənin quruluşunda təqdim olunan səhnə əsəri əcdadlardan gələn və sonrakı nəsillərə ötürüləcək bir az mistik, bir az fantastik, bir az da realist kontekstdə həll olunmuş rəvayət, əcdadlarının genetik kodlarını unudanlar haqqında ən uzun günün hekayəsidir. Həmçinin tamaşa torpaq və yaddaş haqqında ən uzun hekayətdir”.
Qeyd edək ki, tamaşanın müəllifi və quruluşçu rejissoru M.Ələkbərzadə, quruluşçu rəssamı İlham Elxanoğlu, bəstəkarı Azər Hacıəsgərli, geyim üzrə rəssamı Aygün Mahmudova, işıq üzrə rəssamı Rafael Vaqifoğlu, qrafikaçıları isə Binyamin Sailov, Ruslan Kərimov, Tərlan Əsgərlidir.
