BAYRAQDAR MEDİA – Martın 10-u saat 19:00-da Opera Studiyasında italyan bəstəkarı Cüzeppe Verdinin 4 pərdəli “Trubadur” operası nümayiş olunacaq.
Bu haqda Azərbaycan Dövlət Akademik Opera və Balet Teatrının yaydığı xəbərdə deyilir.
Xəbərdə qeyd edilir ki, “operada Taleh Yahyayev (Qraf di Luna), Əməkdar artist Fərid Əliyev (Manriko), Əməkdar artist Fəridə Məmmədova (Leonora), Xalq artisti Fidan Hacıyeva (Azuçena), Xalq artisti Əkrəm Poladov (Ferrando), Nina Makarova (İnes), Ruslan Persan (Qoca qaraçı) iştirak edir”.
Bildirək ki, operanın dirijoru Əməkdar artist Əyyub Quliyev, rejisoru Əməkdar incəsənət xadimi Hafiz Quliyev, xormeysteri Əməkdar incəsənət xadimi Sevil Hacıyevadır.
